Daily Archives: Iyun 15, 2020

Ҳушёрликни эътиборда тутсак, соғлигимиз хавфсиз бўлади

🔸 Бугунги кунда бутун жаҳонда COVID-19 пандемиясига қарши кескин кураш чоралари қўлланилмоқда. Карантин қоидаларига риоя қилиш, табиийки, бу балодан бирмунча ҳимояланишга олиб келади. Термиз халқаро аэропортида ҳам иншоот ва унга ташриф буюрувчилар, йўловчиларни дезинфекция қилиш ишлари тизимли амалга оширилмоқда.

🛩 Термиз аэропортига пойтахтдан ҳафтасига иккита рейс қатнайди. Тошкентдан ҳар чоршанба ва шанба йўловчилар воҳага келади ва ўша манзилга кузатилади. Самолёт қатнайдиган кунлари эрта тонгдан, шунингдек, ҳаво кемаси учиб кетганидан сўнг аэровокзал биноси ва унга туташ хизмат хоналари тўлиқ дезинфекция қилинади. Жараёнда иштирок этувчи барча аэропорт ва ҳамкор ташкилотлар ходимлари ниқоб, қўлқоп ва антисептик воситалар билан таъминланганлар.


😷 Аэропортга ташриф буюрувчи йўловчиларнинг ҳарорати ўлчаниб, дезинфикациялаш туннелидан ўтказилмоқда. Аэровокзал биноси ва кутиш залига кириш жойлари антисептик воситалар билан жиҳозланган. Йўловчилар учун янги ниқоб ва қўлқоп бериш ишлари ҳам ташкиллаштирилган.

🔸 Аэропорт ходимларининг назоратдан ўтиш жойлари антисептик воситалари билан таъминланган. Ишга келувчи ходимларнинг ҳарорати ўлчанади. Хизмат хоналари ҳар 4 кунда бир марта тўлиқ дезинфекция қилинмоқда, ҳар куни тозалаш ва дезинфекция амаллари ўтказиб келиняпти. Ходимларнинг барчаси ниқобда юриш 😷, қўлларни тез-тез ювиш🧼, қўл бериб саломлашмаслик 🤝❌ ҳамда ижтимоий масофани сақлаш ✋ каби карантин қоидаларига доимий равишда риоя қилишади.
🔸 Карантин даврида ўз соғлигимиз учун ўзимиз жавобгар эканлигимизни унутмайлик!
Матбуот хизмати