Monthly Archives: Dekabr 2020

Туркияга боришни режалаштираётган фуқароларимиз диққатига!

Туркия Республикасига саёҳат қилиш ёки иш юзасидан йўл олиш истагида бўлган йўловчилар учун “Uzbekistan Airways” АЖ томонидан муҳим бир хабар тарқатилди.

28 декабрдан бошлаб Туркияга борадиган хорижликлар учун янги талаблар кучга киради. Ушбу мамлакат соғлиқни сақлаш вазирлиги ҳаво қатнови орқали чет эллардан республикага келаётган йўловчилар энди ўзлари билан “COVID-19”га “ПЦР SARS-COV-2” услубида тест топширилгани тўғрисидаги, хориж фуқароси Туркия давлат чегарасини кесиб ўтаётган пайтда олинганига 72 соатдан кўп бўлмаган амалдаги маълумотномага эга бўлишлари шарт.

Манфий кўрсаткичли “ПЦР-тест SARS-COV-2” натижасини тақдим этмаган йўловчилар чегарадан ўтилаётганда кўрсатиладиган манзил (уй ёки меҳмонхона)да мажбурий 7 кунлик карантинга жойлаштирилади. Мабодо фуқаро Туркияда вақтинча яшайдиган манзилини кўрсатмаган бўлса, у мамлакат соғлиқни сақлаш вазирлиги томонидан белгиланган карантин ҳудудига юборилади. 7 кунлик карантиндан кейин олинган “ПЦР-тест SARS-COV-2” таҳлилида мусбат натижа қайд этилганлар Туркия ССВнинг “СOVID-19” муносабати билан жорий этилган амалдаги тегишли қоидалари асосида даволанадилар.

Ушбу чоралар 2021 йилнинг 1 мартигача амал қилади.

Пресс-тур ташкил қилинди

Бугун 2020 йил 25 декабрь куни «Uzbekistan Airports» АЖ томонидан “Самарқанд халқаро аэропорти” МЧЖда “Самарқанд халқаро аэропорти янгиланишлар жараёнида: замонавийлик, хавфсизлик ва сифат” мавзуида оммавий ахборот воситалари ходимлари учун Пресс-тур ташкил қилинди.
Унда «Uzbekistan Airports» АЖ ходимлари, Самарқанд вилояти хокимлиги ахборот хизмати, Ахборот ва оммавий коммуникациялар агентлигининг вилоят бошқармаси, , вилоят телерадиокомпанияси, нодавлат телеканаллари, ижтимоий тармоқ сайтлари вакиллари хамда блогерлар иштирок этди.
Пресс-тур аввалида журналистларга самолётлар учун амалдаги ва янги лойиха асосида бунёд этилган учиш-қўниш йўлаги намойиш қилинди. Мазкур йўлак халқаро авиация стандартларига мос равишда қурилди. Ҳозирда аэродромга тунги ёритиш мосламалари, алоқа ва кузатув тизимларини ўрнатиш жараёни амалга оширилаётгани ҳақида маълумот берилди.

Футбол бўйича Термиз халқаро аэропорти кубоги якунланди.

»Биз соғлом турмуш тарафдоримиз» шиори остида ўтказилган кубок ўйинларида жами 8 та жамоа иштирок этди. Кубок финалида »Парвоз» жамоаси биринчи ўринни эгаллади. Ғолиблар Термиз халқаро аэропорти раҳбарияти томонидан диплом ва қимматбаҳо совғалар билан тақдирланди.
————————————
На днях закончился кубок по футболу Термезского Международного аэропорта.

На проведённом соревнования под девизом »Мы за здоровый образ жизни». На финале кубка команда »Парвоз» заняла первое место, а так же, завоевала кубок Термезского международного аэропорта. Победителю соревнования вручён диплом и ценные подарки от руководства аэропорта.

https://t.me/Termizaeroport

Касбга қизиқтириш истиқболни таъминлайди.

Болалигида ҳартугул бир бор келажакда учувчи бўлишни истамаган инсон бўлмаса керак. Айниқса, ўғил болаларда бу касбга қизиқувчилар сони кўп бўлади. Кейинги йилларда қизларнинг ҳам авиация соҳасига қизиқиши ортиб бораётганлиги эътиборга молик. Ўқувчи – ёшларни соҳага қизиқтириш, уларнинг қизиқишларни қўллаб-қувватлаш мақсадида Термиз халқаро аэропортида “Раҳбар ва ўқувчилар” лойиҳаси доирасида таништирув сабоқлари ташкил этилди. Термиз шаҳридаги 10 – ўрта таълим мактабининг авиация соҳасига қизиқувчи иқтидорли ўқувчи – ёшларига халқаро аэропорт директори Ш.Кабилов соҳа ҳақида атрофлича тушунтиришлар берди. Ўқувчиларга халқаро аэропортнинг аэровокзал бўлими таништирилиб, мавжуд юқори шароитлар, имкониятлар ҳақида батавсил маълумотлар берилди.                                             

 Термиз халқаро аэропорти матбуот хизмати. /https://t.me/Termizaeroport

Термиз – жануб гавҳари.

Бу қадим ва навқирон шаҳарга, бой тарих ва мафтункор табиат, бетакрор қадриятларга эга Сурхон воҳасига келган меҳмон борки, тайёрадан тушаркан илк қадамини Термиз халқаро аэропорти ҳудудига қўяди. Сурхондарё ва Термиз ҳақидаги илк илиқ таассуротлар шунданоқ пайдо бўлади. Халқаро аэропортнинг ҳар бир ходими буни теран англаган ҳолда, фаолият кўрсатади. Аэропортнинг тунги манзараси янада фусункор кечади. Бу бетакрорликлар эса аэропортга келган меҳмонни албатта ҳайратлар сари етакласа ажаб эмас.                                                               

Termiz xalqaro aeroporti matbuot xizmatining ijtimoiy tarmoqlardagi rasmiy kanallari:                                                                                 Obuna bo’ling: Телеграм канал: https://t.me/Termizaeroport, Veb sayt: termezairport.uz, F/book: https://www.facebook.com/termizxalqaro.aeroporti

“Биз соғлом турмуш тарафдоримиз” шиори остида аэропорт кубоги ўтказилмоқда.

Термиз халқаро аэропортида ходимлар ўртасида спорт мусобақаларини ташкил этиш орқали ташкилотда оммавий спорт билан шуғулланувчи қатлам кўламини ошириш ва ҳар бир фуқарони соғлом турмуш тарзига жалб қилиш мақсадида бир қатор тадбирлар ўтказиб келинмоқда. Ана шундай тадбирлардан бири “Биз соғлом турмуш тарафдоримиз” шиори остидаги футбол бўйича «Термиз халқаро аэропорти кубоги»дир.

Аэропорт ходимларидан ташкил топган жами саккизта жамоа асосий ғолиблик учун баҳс олиб бораяпти. Дастлабки ярим финал баҳсларидан сўнг, финал йўналмасини қўлга киритган илк жамоа аниқ бўлди. Финал йўлланмасига эга чиққан ҳамда 3-ўринни эгаллаган жамоалар ташкилотчилар томонидан тақдирланади.

 https://t.me/Termizaeroport

Қизиқ факт: Елена оролидаги аэропорт «Дунёнинг энг бефойда аэропорти» деб топилган.

Журналистлар томондан Авлиё Елена оролидаги аэропорт «Дунёдаги энг бефойда аэропорт» деб топилган. Аэропортни қуриш учун 320 млн евро сарфланган. Аэропорт қуриб битказилгач, ундаги камчиликлар сабабли катта самолётларни қабул қила олмаслиги аниқланган. Чипталарга талаб ҳам катта бўлмаган. Аэропортга илк тижорий рейс у очилгандан бир йил ўтибгина – 2017 йил май ойида келган. Ўша йили 14 октябрда эса аэропорт Йоханнесбургдан илк лайнерни қабул қилган ва шунга қадар ЖАР авиакомпаниясининг хизматларидан атиги 78 киши фойдаланган, самолёт парвози эса 6,5 соатни эгаллаган.

Авлиё Елена ороли Атлантика океанида жойлашган бўлиб, Британиянинг денгизорти ҳудуди ҳисобланади. Наполеон Бонапарт Ватерлоодаги урушда мағлуб бўлгандан сўнг айнан шу оролга сургун қилиниб, ҳаётининг сўнгги кунларини шу ерда ўтказган.

Телеграм канал: https://t.me/Termizaeroport

Термиз халқаро аэропортида спорт тадбири

8 декабрь –Ўзбекистон Республикаси Конституцияси қабул қилинган кун юртимиз тарихидаги қутлуғ ва шонли саналардан биридир. Мазкур кунни муносиб нишонлаш, демократик тамойиллар асосида яратилган бош қомусимизни ўқиб – ўрганиш, ундан фахр туйиш ҳар бир юртдошимиз учун шараф ҳамда вазифа бўлмоғи лозим. Сана муносабати билан бугун Термиз халқаро аэропортида ташкил этилган маънавий-маърифий ҳамда спорт тадбирлари аввалида айни мавзуда атрофлича сўз борди. Шундан сўнг, аэропорт спорт комплексида стол тенниси бўйича мусобақага старт берилди. Спорт мусобақаси кескин ва муросасиз баҳсларга бой бўлди. Ўйинлар малакали ҳакамлар ҳайъати томонидан баҳолаб борилди. Якунда ғолиблар аниқланди. Унга кўра, 1- ўринни Умид Чориев эгаллади. 2- ўринни Шуҳрат Кабилов, 3- ўринни эса Баҳодир Тангиров қўлга киритди. Ғолиблар тадбир ташкилотчилари томонидан тақдирланди.

Surxon vohasiga sayyoh sifatida kelishingiz uchun 10 sabab

Surxondaryo vohasi dunyo sivilizatsiyasi o’choqlaridan biri sifatida umuminsoniy madaniyat tamadduniga qo’shgan bemisl hissasi bilan mashhur. Surxondaryo viloyati 1941-yil 6-martda tashkil etilgan. Viloyat markazi Termiz shahri. Viloyatning markazi va janubiy qismi tekislik bo’lib, shimoliy Hisor tog` tizmalarining davomi bo’lgan Boysun tog`, Ko’hitang tog` va Bobotog`lar bilan o’ralgan. Keyingi yillarda voha tarixi, yodgorliklariga bo’lgan qiziqish tobora oshib, xorijlik arxeolog olimlar e’tiborini o’ziga tortib kelmoqda. Viloyatda arxeologik qazishmalar olib borilmagan yodgorliklar hali ham ko’p.

Quyida Surxon vohasiga kelish uchun 10 sabab bilan tanishing.

1. Zarautsoy rasmlari. Zarautsoy darasidagi toshlarga ishlangan rasmlar ibtidoiy san’atning nodir namunalaridir. Zarautsoy Surxondaryo viloyati, Sherobod tumanida joylashgan. 1912-yilda I.Fyodorov tomonidan topilgan. 200 dan ortiq rasmlar mezolit, neolit va keyingi davrlarga mansub. Rasmlar chizma tarzida kontur va soya uslubida qizil angob (oxra) bilan chizilgan. Zarautsoyda odamlarning itlar yordamida yovvoyi buqalarni ov qilish manzarasi tasvirlangan. Hayvonlar (yovvoyi buqa, it, tulki, burama shoxli echki, jayron, tog` echkisi, hasharot), turli buyumlar (o’q-yoy, nayza, o’roqsimon qurollar), niqoblangan odamlar o’ziga xos tarzda hayotiy qilib ishlangan. Zarautsoy ibtidoiy san’atning noyob yodgorligi sifatida yodgorliklarni muhofaza qilish «qizil kitob»iga kiritilgan.

2. Teshiktosh g`ori. Teshiktosh – O’zbekistondagi arxeologik qo’riqxonadir. Boysun tog` tizmasidagi g`orda joylashgan. G`or Machaydagi Zovtoloshsoy darasida dengiz sathidan 1500-1600 metr balandlikda bo’lib, bo’yi 7, eni 20, uzunligi esa 21 metrni tashkil etadi. G`orning shifti teshik bo’lgani uchun gulxan yoqilsa, tepadagi tuynukdan chiqib ketavergan. G`orda 1,5 m. qalinlikda 5 ta madaniy qatlam bo’lib, har bir qatlamdan bittadan, ba’zilarida ikkitadan diametri 40 santimetr, sathi 2 metrga yetadigan gulxan qoldiqlari topilgan. Shuningdek, Teshiktosh g`oridan arxeolog Okladnikov 8-9 yashar bolaning bosh va skelet suyaklarini topgan. 1949 yili antropolog Gerasimov kalla suyagi asosida Teshiktosh odamining yuz tuzilishini tiklagan. 1973-yili antropolog Alekseev Teshiktosh odamini to’la o’rganib chiqdi. Uning fikricha, skelet ayol kishiniki bo’lib, inson evolyutsiyasining neandertal fazasiga mansub ekan. Shundan so’ng insoniyat tarixi haqida so’z borganda, albatta, Teshiktosh g`ori tilga olinadigan bo’ldi. Dunyo ahlining Teshiktosh g`origa qiziqishi tobora ortib bormoqda. Ayniqsa, Machaydaryo qishloqlari bo’ylab dara ichidan tekis yo’l o’tkazilishi g`orga borishga qulaylik yaratadi. Bu yerga ko’plab sayyohlar tashrif buyuradi.

3. Boysundagi Omonxona bulog`i va g`ori. Boysun – tog`li yurt. Boysun tog`lari bag`rida Omonxona bulog`i joylashgan. Uzoq yillik tarixga ega Omonxona quyuq archazorlar bilan qoplangan. Ushbu manzil geografik muhiti, go’zal manzarasi, bahavoligi bilan inson ruhiyatiga o’zgacha ta’sir etadi. Omonxona buloq suvi tarkibida kremniy kislotasi, temir, alyuminiy va boshqa ko’plab mikroelementlar mavjudligi aniqlangan. Mutaxassislarning fikricha, bunday vitamin va minerallarga boy buloq suvi inson tanasini, ayniqsa, jigar, o’t pufagi yo’llarini davolash xususiyatiga ega. Ayniqsa, tananing ichki organlarini yuvishda qo’llaniladigan zamonaviy gemodez suyuqligi bilan solishtirilsa, foydali va zararsizligiga ko’ra Omonxona buloq suvi bir necha marta undan ustun turadi. Bu yerda Omonxona g`ori ham mavjud bo’lib, uning balandligi 3,5 metr, umumiy maydoni esa 60 kvadrat metrni tashkil etadi. Bu g`orda g`aroyib hodisani kuzatish mumkin . Ya’ni saratonning chillasida g`or ichidagi harorat 5-6 daraja sovuq, qishda esa 20-22 daraja iliq bo’lib turarkan. Boysunliklar orasida Omonxona tarixi haqida turli rivoyatlar yuradi. Aytishlaricha, Sohibqiron Amir Temurning lashkari shu vodiyga kelganda holdan toyib qoladi. Buning ustiga askarlar birin-ketin kasallikka chalinadi. So’ngra ular Omonxona suvidan ichib, ana shu g`or salqinida tin olib, yana asl holiga kelgan. Rivoyatdan shunday xulosaga kelishimiz mumkinki, ushbu manzil qadimdan elu xalqning sihat-salomatligini ta’minlashga xizmat qilgan.

4. Chanqovuz. Chanqovuz – Surxon vohasining qadimiy va an’anaviy musiqa asbobi. U miloddan avvalgi I asrda paydo bo’lgan. Unda ajdodlarimiz, xususan, momolarimiz betakror kuylar yaratgan. Bugungi kunda Qoraqalpog`iston Respublikasi, Qashqadaryo, Surxondaryo, Jizzax viloyatlarida ham ko’plab mohir ijrochilar bor. Azaldan chanqovuzni ko’p ayollar nag`ma qilib kelishgan. Suhbat–gurunglarda ham jo’rlikda jonlantirishgan. Go’yoki chanqovuz qadim momolarimiz, cho’pon cho’liqlarimiz, bobo dehqonlarimiz bilan birga mehnatda bo’lgan. Yurtimizda ayni paytgacha chanqovuzning ikki turi bo’lgan. Suyakdan chanqovuz yasashda asosan echki suyagidan foydalanishgan. Hozirgi kunda chanqovuzlar asosan temirdan yasalmoqda. Bundan tashqari, Surxon vohasida an’anaviy musiqa cholg`ularidan sivizg`a, g`ajir nay, chanqovuz, baxshilarga jo’r bo’lgan do’mbira, qo’biz keng tarqalgan.

5. Termiz arxeologiya muzeyi. Termiz arxeologiya muzeyi O’rta Osiyodagi yagona arxeologiyaga ixtisoslashtirilgan muzey hisoblanadi. Muzey 8 mingga yaqin eksponat bilan faoliyat boshlagan. Ayni paytda bu yerda Vatanimizning miloddan avvalgi yuz ming yillik o’tmishidan boshlab bugungi kunga qadar bo’lgan hayoti keng yoritilgan 80 mingdan ortiq noyob topilma va osori-atiqalar saqlanmoqda. Muzey fondi yildan-yilga turli davrlarga oid yangi topilmalar bilan boyib bormoqda. 

6. Al-Hakim at-Termiziy ziyoratgohi. Al-Hakim At-Termiziy madrasasi Termizdagi qadimiy me’moriy majmuadir. Unda Hakim at-Termiziy maqbarasi dastlab XI asr oxirida boshlanib, 1091-1095 yillarda Qoraxoniylar sultoni Ahmad ibn Hizrning ko’rsatmasiga muvofiq, at-Termiziy qabri ustida qurilgan. Majmua so`nggi yillarida  mukammal qayta ta’mirlandi. Bugungi kunda ko’plab sayyohlar tomonidan ziyorat qilinadigan joyga aylangan. Al-Hakim at-Termiziy tasavvufning «Hakimiya” maktabi asoschisi sanaladi. Taxminlarga ko’ra, buyuk mutasavvif olim o’zining uzoq hayoti davomida (ba’zi manbalarga ko’ra 120 yil umr ko’rgan) 400 dan ortiq qimmatli asarlar qoldirgan, lekin bizgacha ularning 60 ga yaqini yetib kelgan xolos. Ushbu qo’lyozmalar hozirgi kunda Parij, Qohira, Damashq, London, Iskandariya va Istambul kutubxonalarida saqlanib, o’rganilib kelinmoqda.

7. Sulton Saodat. Sulton Saodat (yoki ba’zi manbalarga ko’ra Sulton Sodat) majmuasi – sayyidlar sulolasining maqbarasi bo’lib, uning hozirgi ko’rinishi 7 asr (X-XVII) davomida shakllangan. Dastlabki maqbara X asrda Xasan al-Amirning vafotidan so’ng barpo qilingan. Keyinchalik bu yerda 20 ta maqbara paydo bo’lgan. Ko’plab urush va vayronagarchiliklarni boshidan kechirgan bu majmuada 2002-yil katta hajmdagi ta’mirlash ishlari olib borildi. Sulton Saodatni ko’pchilik Samarqanddagi Shohi Zinda majmuasiga qiyoslaydi. Ikkala majmua ham nekropol hisoblanib, ikkalasida ham Muhammad payg`ambarning (s.a.v) qarindoshlari va avlodlari dafn qilingan degan ma’lumotlar bor.

8. Jarqo’rg`on minorasi. Surxon vohasidagi qadimiy minoralardan biri bu — Jarqo’rg`on minorasidir. Jarqo’rg`ondagi Minor qishlog`ida joylashgan bu minora peshtoqida saqlanib qolgan yozuvlar inshootning 1108—1109 yillar oralig`ida qurilganligidan dalolat beradi. San’atshunos-me’morlarning ta’kidlashicha, uning umumiy balandligi 50 metrga yaqin bo’lib, hozir minoraning omon qolgan qismi 21,6 metrni tashkil etadi. Jarqo’rg`on minorasi qurilishida oddiy g`isht, ravoqlar va epigrafik hoshiyalar juda ustalik bilan qo’llanilgan, minoraning asosi baland 8 qirrali kursiga o’rnatilgan. Har bir qirraning markazida ravoqli taxmonchalar ishlangan, ana shunday taxmonchalardan birida joylashgan eshik orqali minora ichki qismidagi aylanma zinaga chiqilgan. Barcha minoralar kabi Jarqo’rg`on minorasi ham gumbazsimon muazzinxona bilan yakunlangan. Jarqo’rg`on minorasi memoriy-badiiy yechimiga ko’ra, Shimoliy Hindiston va Xuroson minoralariga yaqin turadi.

9. Sangardak sharsharasi. Sariosiyo tumanida Sangardak deb ataluvchi qishloq bor. Bu yerdagi eng diqqatga sazovor obida, shubhasiz, qoyalardagi buloqdan hosil bo’lgan Sangardak sharsharasidir. Dengiz sathidan 3 ming metr balandlikdan otilib chiquvchi sharshara tabiatning noyob mo’’jizasi. Sharshara suvi 150 metrdan ortiq balandlikdan, atrofdagi qoyalarga urilib oqadi. Atrof hududlarda anjir, na’matak, uzum kabi bir qancha daraxt va butalar o’sadi. Bu hududda tabiat yovvoyi holda saqlangan bo’lib, inson tomonidan zarar yetkazilmagan. Ma’lumotlarga qaraganda, Sangardak sharsharasini hosil qiluvchi buloqning manbai qoyalar ichidagi ko’lda joylashgan. Bu sharshara «Sharsharamozor” nomi bilan ham mashhur bo’lib, har yili mavsum boshlandi deguncha ziyoratchilar bilan gavjum bo’ladi. Uning atrofida kishini hayratga soladigan darajada serjilo kamalak hosil etadi. Sharsharaning o’ng tomonida, undan 200 metr balandlikda bir yilda bir marta, faqat javzo oyida tog` bag`ridan suv oqa boshlaydi. Bu oy tugashi bilan tog` bag`ridan oqayotgan suv ham to’xtaydi. Doim barchani hayratga soluvchi bu jumboqli holat haligacha o’rganilmagan. Buloqni mahalliy aholi «Javzo suvi” deb ham nomlashgan. Bundan tashqari, Sangardak tog`larida yana ko’plab buloqlar mavjud bo’lib, ular sangardak bulog`i, qora buloq, sirsoy buloq, shirin buloq kabi nomlar bilan atalib kelinadi. Buloq suvi tog` yon-bag`irlaridagi turli giyoh ildizlarini yuvib chiqadi va u inson organizmi uchun foydali xususiyatga ham egadir.
10. Sayrobdagi chinor. Umrboqiy daraxt deya e’zozlanib kelinayotgan «Chinor bobo» ming yoshga to’lgan. Vohaning Sayrob qishlog`idagi ana shunday ikki tup ko’hna chinor tanasidagi kattakon kovakdan ilgari askarlar qarorgohi, qishloq kengashi idorasi, kutubxona, maktab, choyxona, sartaroshxona sifatida foydalanilgan. Hozir esa uning ichida mo`jazgina muzey tashkil etilgan. Chinor tabiiy yodgorlik sifatida muhofazaga olingan. Yana bir e’tiborli jihati, mazkur chinorlar ostida asrlar davomida jilolanib oqib turgan buloq va undagi qora tusli baliqlarni boshqa joyda uchratmaysiz. Buloq suvi oqib chiqadigan tuynuklar bo’lsa-da, yuzlab baliqlarning birortasi bu yerni tark etmagan. Boysunliklar ushbu azim chinorlar ostida ulug` shoir va davlat arbobi Bobur tin olib o’tganini faxrlanib gapirishadi.

Телеграм канал: https://t.me/Termizaeroport