Сурхондарё вилояти Гидрометеорология бошқармасининг мутахассислари 9 – феврал куни ўтказилган кузатувлар натижасига кўра, воҳанинг жанубий ҳудудларида бодом ва ўрик дарахтларининг гуллаш фазаси бошланганлигини маълум қилганди. Бугунга келиб эса вилоят жанубидаги Термиз туманида жойлашган Термиз халқаро аэропорти ҳудудида ҳам бодом ва ўрик дарахтларининг нафис гуллари ҳамда ифори билан баҳор нафаси ташриф буюрганлигини кўриш мумкин. Табиатда жонланиш яққол сезилмоқда. Айни шу жараёнда аэропорт ходимлари ҳам аллақачон баҳорий юмушларни, ободонлаштириш ва кўкаламзорлаштириш ишларини ҳам бошлаб юборишган.

✍️Б/к: https://t.me/Termizaeroport