Дунёдаги энг чиройли манзарали аэропортлар

2017 йилда дунёдаги энг чиройли манзарага эга аэропортини аниқлаш юзасидан танлов ўтказилган. Унга кўра биринчи ўринни Кариб денгизининг Саба оролида жойлашган Хуанчо-Ираускин олди. Туристлар бу аэропортни гўзал манзаралари ва ноодатий табиати туфайли биринчи ўринга қўйишган.
Рўйхатнинг иккинчи ўрнидан Ирландиядаги Донегол аэропорти жой олди. Бу ерга фақатгина бир авиакомпания мунтазам рейсларни амалга оширади.
Учинчи поғонада – Франциядаги аэропорт: Ўрта ер денгизи қирғоғида жойлашган Ницца Ложувард Қирғоқ.
Сўнгги йилларда юртимиздаги аэропортлар ҳам кўркам қиёфа касб этиб бормоқда. Шу жиҳатдан олиб қараганда, қадим ва навқирон, мафтункор табиатга эга шаҳарларимизда жойлашган аэропортлар ҳам яқин йиллар орасида дунёдаги энг чиройли аэропортлар рўйхатидан жой олса ҳеч ҳам ажабланманг!

Бизнинг каналга обуна бўлинг:
https://t.me/Termizaeroport

Тошкент-Деҳли-Тошкент йўналиши бўйича чартер рейслар йўлга қўйилди

    

«Uzbekistan Airways» авиакомпанияси Тошкент-Деҳли-Тошкент йўналиши бўйича чартер рейслар йўлга қўйилганини эълон қилди.

 Қайд этилишича, қатновлар 7 февралдан бошлаб, якшанба кунлари қуйидаги жадвал асосида бажарилади:

  • HY 3421 Тошкент – Деҳли учиш соат 16:00да, қўниш соат 19:30да
  • HY 3422 Деҳли – Тошкент учиш соат 21:00да, қўниш соат 23:30да

Маълумот учун, ўтган йилнинг март ойидан бошлаб, пандемия сабабли хорижий давлатлар билан ҳаво қатнови тўхтатилгандан сўнг, «Uzbekistan Airways» Ҳиндистон пойтахтига фақатгина бир нечта рейсларни амалга оширди.

Бизнинг канал: https://t.me/Termizaeroport

Дунё бўйича 2020 йилнинг энг гавжум аэропортлари рейтинги тузилди.

Лондоннинг Xитроу аэропорти COVID-19 пандемияси туфайли Европадаги энг гавжум аэропортлар рейтингидаги биринчиликни қўлдан бой берди, дея ёзмоқда «РБК».
Xитроу 2020 йил якунлари бўйича учинчи ўринга тушиб қолди. Унинг ўрнини Истанбулдаги 2018 йилда очилган янги халқаро аэропорт, иккинчи ўринни эса Париждаги Руасси—Шарль-де-Голль аэропорти эгаллади.
Рейтингнинг Xитроудан кейинги тўртинчи поғонасидан Амстердамдаги Схипхол аэропорти, бешинчи поғонасидан Москванинг Шереметьево аэропорти жой олди.
🛫Маълумотларга кўра, Xитроунинг йўловчи ташиш ҳажми 2020 йил мобайнида 73 фоизга камайди. 2019 йилда мазкур аэропорт хизматидан деярли 81 миллион киши фойдаланган бўлса, ўтган йилда бу кўрсаткич атиги 22,1 миллион кишини ташкил қилди.
Бунга Буюк Британияда коронавируснинг янада юқумли штамми пайдо бўлиши алоҳида салбий омил бўлиб хизмат қилди. Янги штамм Британия маъмуриятини карантин сиёсатини кучайтириб, бошқа давлатларни Лондонга парвозини чеклаш ёки бутунлай тақиқлашга ундади.
Ғарбий Европанинг аксарият аэропортлари, шу жумладан, Франкфурт ва Барселонадаги йирик аэропортларда йўловчи ташиш ҳажми 70 фоиздан кўпроққа камайган бўлса-да, Истанбулдаги иккита энг йирик аэропорт ва Москванинг Шереметьево аэропортида йўловчи оқимининг камайиши анча паст бўлди. Натижада уларнинг рейтинги яхшиланди.
🌍Bloomberg маълумотларига кўра, янги Истанбул аэропорти илк тўлиқ календарь йилида 23,4 миллион саёҳатчини жалб қилган. Натижада ўтган йилнинг Европадаги энг гавжум аэропортига айланди. Шереметьево аэропортидан 2020 йилда 19,8 миллион киши фойдаланган (2018 йилда — 49,9 миллион).
Манба: “DARYO.UZ”
Бизнинг канал: https://t.me/Termizaeroport

Президент мурожаатномаси амалда

 Сурхон воҳаси ҳам ўз тарихий обидалари, табиати, сўлим гўшалари билан сайёҳларни чорламоқда. Шу аснода сайёҳлар,шу билан бирга барча авиайўловчилар учун Термиз халқаро аэропортида қатор қулайликларни кенгайтиришга алоҳида эътибор қаратилмоқда. Бу ҳақда Термиз халқаро аэропортида Президентимизнинг Олий Мажлисга Мурожаатномаси бўйича белгиланган вазифалар ижросини таъминлашга бағишланган йиғилишда атрофлича сўз юритилди.—Мурожаатномада йўналишлар кесимида бизга ҳам белгилаб берилган вазифалар ижросини ўз вақтида ва юқори даражада таъминлаш фаолиятимиз тараққиётига хизмат қилади, шунингдек юртимиз ривожига ҳам ўз ҳиссамизни қўшган бўламиз. – деди йиғилишда Термиз халқаро аэропорти директори Ш.Кабилов. Тадбирда аэропорт раҳбар-ходимлари, бўлим ва бўлинма бошлиқларига мурожаатномадан келиб чиқадиган масалалар юзасидан қатор вазифалар ҳам белгилаб берилди.

Бизнинг канал: https://t.me/Termizaeroport

Байрамингиз муборак бўлсин!

Футбол мусобақаси ўтказилди

Ўзбекистон Республикаси Қуролли Кучлари ташкил этилганлигининг 29 йиллиги ва 14-январь “Ватан ҳимоячилари куни” муносабати билан Термиз туманидаги ҳарбий қисмлардан бирида Термиз халқаро аэропорти раҳбарияти ташаббуси асосида футбол мусобақаси ташкил этилди. Спорт тадбири аввалида халқаро аэропорт касаба уюшмаси раиси Д.Сайитов ва ёшлар иттифоқи етакчиси Ж.Имомов ҳамда ҳарбий қисм масъуллари томонидан сўнгги йилларда қуролли кучларимиз мамлакатимиз барқарорлиги ва тараққиётининг мустаҳкам кафолатига айланиб бораётганлигини таъкидланди. Шундан сўнг, Термиз халқаро аэропорти ҳамда ҳарбий қисм спортчи – ходимлари ўртасида футбол бўйича ўртоқлик ўйини ўтказилди. Қизғин ва муросасиз кечган баҳсда Термиз халқаро аэропорти жамоаси 5-4 ҳисобида ғалаба қозонди. Фурқат Тўлаганов ҳамда Азиз Амоновлар иккитадан рақиб дарвозасини аниқ нишонга олган ҳолда гол киритган бўлса, Мурод Акбаров жамоасининг сўнгги голига муаллифлик қилди.👉 https://t.me/Termizaeroport

“Ким ватанга содиқ бўлса, мендирман ўша!” шиори остида тадбир ташкил этилди

Термиз халқаро аэропортида “Ватанпарварлик ойлиги” доирасида маънавий-маърифий, маданий ва спорт тадбирлари ўтказилаяпти. Ўзбекистон Республикаси Қуролли Кучлари ташкил этилганлигининг 29 йиллиги ва 14-январь – “Ватан ҳимоячилари куни” муносабати билан ташкил этилган тадбирда Термиз туманидаги ҳарбий қисм хизматчилари ҳам таклиф этилди. Унда аэропорт директори ўринбосари Н.Джаббаров, ёшлар иттифоқи етакчиси Ж.Имомов, ҳарбий қисм ёшлар иттифоқи етакчиси А.Турғуновлар сўнгги йилларда қуролли кучларимиз чинакам маънода мамлакатимиз барқарорлиги ва тараққиётининг мустаҳкам кафолатига айланиб бораётганлигини таъкидлаб, ватан ҳимоячилари куни муносабати билан ҳарбий хизматчиларни табриклашди. Шундан сўнг тадбирнинг бадиий қисмига навбат берилди. Тадбир якунида Термиз халқаро аэропорти раҳбарияти томонидан ҳарбий қисм кутубхонаси учун китоблар жамланмаси совға қилинди.

 https://t.me/Termizaeroport

Дунёнинг энг ғаройиб ва хавфли аэропортлари

Шундай аэропортлар борки, самолётга чиқмасингиздан анча олдин юрагингизга ғулғула солади. Ижтимоий тармоқлардаги каналларимизда ана шундай аэропортлар билан таништириб борамиз.

Бутан. Паро
Айтишларича, Паро шаҳри рейси йўловчилари қўниш даҳшатини енгиш учун бир талай дори ичишар экан. Қайд этиш керакки, аэропорт қояли тоғлар билан ўраб олинган ва жуда қисқа учиш-қўниш чизиғига эга. Бу ерда самолётларни бошқариш учун дунёдаги 8 учувчигагина рухсат берилган.
Шотландия. Барра
Баррадаги аэродром жуда ўзгача. Чунки у ерда нормал учиш-қўниш чизиғи ўрнига пляждан фойдаланилади. Бари оддий: бир неча белгилар қўйилган – қўнаверинг.
Янги Зеландия. Гибсборн
Гибсборн самолётлар (аниқроғи учувчилар) учун ғаройиб жойлардан бири саналади. Учиш чизиғи ўртасидан одатий темир йўл ўтади. Диспетчерлар учишларни поездлар ҳаракати жадвалига мувофиқ тарзда бошқаришига тўғри келади.

Бизнинг каналга обуна бўлинг: https://t.me/Termizaeroport

Дунёнинг энг ғаройиб ва хавфли аэропортлари

Баъзилар учун учиш жуда қўрқинчли туюлади. Улкан машинанинг ердан кўтарилиши ва ҳавода ҳаракатланишини тасаввур қилишнинг ўзи кишини хавотирга солади. Бироқ шундай аэропортлар борки, самолётга чиқмасингиздан анча олдин юрагингизга ғулғула солади. Ижтимоий тармоқлардаги каналларимизда ана шундай аэропортлар билан таништириб борамиз.
Янги Зеландия. Веллингтон халқаро аэропорти
Веллингтон аэропортининг учиш-қўниш қисми шаффоф-мовий сув билан бошланадиган ва тугайдиган кичкина қуруқлик қисмидан иборат. Самолётни чизиқ чегарасидан чиқмасдан қўндириш нақадар мушкул эканини тасаввур қилиш мумкин. Учувчи ва йўловчилар учун хавфли эканига қарамай аэропорт учун жуда чиройли манзарага эга жой танланган.
Ҳиндистон. Агатти, Лакшадвип
Агаттида ишлайдиган учувчилар учун ҳам учиш қурилмасини бошқаришда мураккаблик ва хавф мавжуд. Аэродромнинг узунлиги қисқа, кенглиги эса шу қадар торки, фақат энг «зўр» учувчигина учиш-қўнишни эплаши мумкин.👉 https://t.me/Termizaeroport

O‘zbekistonda hafta davomida sovuq ob-havo saqlanib turadi

4-9-yanvar kunlari kechalari sovuq harorat 5-10 darajagacha, shimol va cho‘lda 12-17 darajagacha ko‘tariladi. Kunduzlari harorat 0-5 daraja sovuqdan oshmaydi. Hafta davomida havo harorati o‘rtacha yillik qiymatlardan 8-10 darajagacha past bo‘ladi. Respublikaning ba’zi joylarida tuman kuzatiladi.